(...)Berria espainiar hedabide gehienetan toki handia hartu du berehala. Euskal Herriko prentsan zer esanik ez. Euskal hedabide publikoak, ordea, motel xamar ibili dira, eta lehen kolpean -EiTB bezalako baliabideak dituen komunikazio talde batek horrelakoetan jokatzen ditu bere sinesgarritasuna- kale egin dute. "Rafaga" azkar eta lerro batzuekin bete dute hutsunea... Baina hori, igande berezi batean, ez da aski. Are gehiago, "Gara" lehenik, eta berehala Euskal Herriko gainerako hedabideek berria sakontasunez jorratzen zutenean dagoeneko beren webguneetan.

Kazeta.infok jakin duenez joan den uztailean Ziburun Jon Anzari egin zioten omenaldian ETAk burutu zuen ezusteko agerraldiari buruz azalpen eske ari da Frantziako Polizia. Gutxienez pertsona bi konbokatuak izan dira omenaldiaren karietara azalpenak emateko. Ezker abertzaleak antolatu zuen ekitaldia politikoan burua estalia zuten hiru ETA kide azaldu ziren. Oholtza gainetik «Euskal Herriaren alde hildako guztiei» egin dakiekeen omenaldirik onena «erabakitzeko eskubidea gauzatzea» dela adierazi zuten.

Inkomunikatuta diraute Gurutz Agirresarobek eta Aitziber Ezkerrak; agentzien arabera, epea agortu arte egongo dira

Hedabideetan zeresana jarri nahia ikusi du Eusko Alkartasuneko idazkari nagusi Pello Urizarrek Hernaniko (Gipuzkoa) polizia operazioaren atzean. Haren arabera, ekintza bakoitzarekin «errenta mediatikoa» lortu asmo du Eusko Jaurlaritzako Herrizaingo Sailak. «Bestela ezin da ulertu atxiloketen unean inguru osoa kameraz hartuta egotea», azaldu du. Indarkeria beti gaitzetsi dutela nabarmenduta, iragarri du EAk ez duela atxiloketei buruz iritzirik emango: «Ez dugu ohiturarik polizia operazioei buruzko balorazio publikoak egiteko, eta ez gara orain hasiko». Urizarren arabera, hori Rodolfo Aresen sailaren propaganda asmoa indartzea litzateke, «eta errenta mediatikoa lortzeko apustu horretan, Eusko Alkartasunak ez dio lagunduko Herrizaingo Sailari».

Jai herrikoiak instituzionalizatu eta pribatizatu nahi dituztela-eta, EAJ eta Eudel kritikatu dituzte

Ezker abertzaleak Euskal Herriko herrietako eta auzoetako jai herrikoien aurkako erasoak salatu ditu, atzo Bilbon egin zuen prentsaurrekoan. EAJ eta Eudel izan dira euren kritiken jomuga, jaiak pribatizatu eta instituzionalizatu nahi dituztela adierazi dute Txiki Castañosek eta Borja Sarrionandiak.

Ondarroako Gestorak txosnei hainbat baldintza ezartzen zizkien dekretua onartu arren, Gestorako buruak dekretuaren ondorioz ez duela txosnarik itxiko esan die Jai Batzordeko kideei. Iritzi aldaketan herritarren erantzuna «erabakigarria» izan dela uste du Jai Batzordeak.

Espainiako Hizkuntzarako Errege Akademiak 'abertzale' hitzerako eman berri duen gaztelaniazko definizioaren arabera, abertzalea nazionalista erradikala da.

Espainiako Hizkuntzaren Errege Akademiak gaztelaniazko hitzen eguneratzea bukatu berri du, eta abertzale hitza bere egin: honela deritzo euskal mugimendu politiko eta sozial horri, eta horren jarraitzaileei: nazionalista erradikal. Haren arabera, bere burua abertzaletzat jotzen duena, nahi eta nahi ez, nazionalista erradikala da. Gaztelaniazko patriota hitzaren baliokidea dela onartzen du, baina patriota hitzari honako definizio hau ematen dio: bere aberria maite duen pertsona, eta haren alde egiten duena.

Haien hitzetan, agintari eta epaileek hori badakiten arren herritarrak jazartzen ari dira, eta, beraz, «prebarikaziotik gertu» daude

Zuzenbide alorreko 110 lagunek sinatu dute argazkiak erakustea zilegi dela dioen agiria

Presoen argazkiak erakustea ez dela delitua seguru daude abokatuak. Zuzenbidearen ikuspegi soiletik, sinetsita daude erabat egoki dela argazkiak erakutsi eta horiek erabiltzea espetxe politikak eragindako eskubide urraketak salatzeko eta aldarrikapen politikoak egiteko. Hala baieztatu dute oinarri hartuta Espainiako legedia, auzitegietako hainbat epai, adituen adierazpenak eta nazioarteko irizpideak.

Amnistiaren Aldeko Mugimenduak (AAM) kontzentrazioa egingo du Azkoitiko eliz atarian Ramon Oñederra Kattu, Jose Luis Salegi Txipi eta Jabier Larrañaga Peru herritarren omenezko oroitarria bueltan ekartzeko eskatzeko, bihar 19:30ean. Ertzaintzak, Dignidad y Justiciak eskatuta, ekainaren 19an monolitoa kendu zuen eliz atari ondoko lorategitik. Beste oroitarri bat jarriko dute biharko ekitaldian.

Krisialdi ekonomikoak gogor astindu ditu azkeneko hilabeteetan AEBetako eta Europako egunkari asko. Adituek diotenez, krisialdi horri, lehendik zetorren «paperaren krisia» gaineratu behar zaio.

Gaur egun erredakzioetan mezua argia da: Ez zaitez mugitu, ez ezazu traba egin, ez ezazu zuzendutako bidea abandonatu. Hala egiten baduzu, ez zara iritsiko; eta iritsi bazara, irteten hurrengoa izan zintezke». Hala dio Irene Lozano kazetariak Casi Desnuda blogeko La proletarización del periodismo artikuluan. 1995. urtean El Mundo egunkarian hasi zen lanean Lozano. Hamar urteren ostean, Madrilgo egunkaria utzi eta freelance bilakatu zen. Berak hartu zuen bide hori. Baina beste kazetari askori azkeneko hilabeteetan euren lana uzteko gonbita egin diete arduradunek. AEBetan, Europan eta inguruko herrialdeetan gertatzen ari den zerbait da. Krisi ekonomikoari, kazetaritza eta paperaren krisia gaineratu zaio.

Lekuko babestu batek 'Gora ETA' esaten entzun zuela eta, haren esanean oinarrituta epaitu dituzte bi lagunak

Urte eta erdiko espetxe zigorra, Zarautzen bizi eta sartzeko bost urteko debekua, hamar urteko inhabilitazioa, erakunde publikoetan lan egitekoa eta boto emateko debekua bizi osorako. Zigor eskaera hori berretsi zuen atzo Miguel Angel Carballo Auzitegi Nazionaleko fiskalak Zarauzko bi lagunentzat: Aritz Labianorentzat eta Haritz Garatxotenearentzat. Lekuko babestu batek bi lagun horiek «Gora ETA» eta «Euskadi ta Askatasuna» esaten entzun zituela esan du, eta beste inolako frogarik gabe, Auzitegi Nazionalera iritsi da auzia. Zigortzen badituzte, espetxera joan beharko dute, aurretik bederatzi hilabeteko zigor bana badutelako. Auzitegi Nazionalak epaia ematea bakarrik falta da orain.