Urte oparoen ostean bagoaz... BAIETZ!

InicioEuskal Herriak bere komunikabide propioak eta indartsuak behar zituelako sortu ginen, hain zuzen ere GARAren proiektu komunikatiboa sortzeko behar ziren «mila milioi -pezeta- BAIETZ!» adierazle-akuilu gisa. Kopuru hura dezente gainditu eta proiektu sendoa martxan jarrita, beste hainbat egitasmo kultural eta komunikatibo bultzatu ditu BAIETZ Fundazioak urte hauetan guztietan zehar.

 

Bada, agur esateko garaia iritsi da, ez helburua erabat lortua delako, bistan da zeregin handia dagoela oraindik (Baietz lortuko!), baina gure ibilbidea amaitu beharrean aurkitzen gara. Beti ere sostengu ekonomikoa zein bestelako laguntza eskeini izan duzuen guztioi eskerrak eta Euskal Herriak behar dituen komunikabideak bultzatzen jarraitzeko animoak eman ondoren. Betirarte!

BERRIA: Zaila dauka egunkari nazionalak

BERRIAk iaz baino are laguntza txikiagoa jasoko du aurten.Egunotan jakin dugu Hizkuntza Politikarako Sailburuordetzak euskal hedabideei ematen dizkien diru laguntzen ebazpena, eta iazkoa berretsi da: apenas izan den aldaketarik laguntzak ebazteko irizpideetan, nahiz eta Hekimen euskal hedabideen elkarteak behin eta berriz irizpideok berrikusteko eskatu Jaurlaritzari. Eta iazkoa esan beharrean gaude berriro: diru laguntza politika honek BERRIA eta, oro har, sektorea babesgabe uzten du, proiektua garatzeko eta berritzeko, iraupenerako hain garrantzitsua den berritze prozesua aurrera eramateko muga handiekin. Iazko %15eko laguntza jaitsiera eta gero, aurten oraindik eta gutxiago jasoko du BERRIAk (bere aurrekontua igo arren). Ezin balorazio positiborik egin, beraz.

EITB.EUS: Adierazpenen hizkuntza tratamendua arautu du EiTBk

Euskal gizartean euskarak gero eta leku handiagoa duela ikusgai egiteko erantzukizuna du Euskal Irrati Telebistak.

Euskal Irrati Telebistak hainbat jarraibide eman ditu euskarazko eta gaztelaniazko adierazpenak tratatzeko moduari buruz, kazetariek egoki jokatzen jakin dezaten euskal gizarte elebidun honetan.

Adierazpenetako hizkuntzaren bitartez, gizartearen erretratu bat egin daiteke, eta EiTBn oso garrantzitsutzat jotzen da erretratu horretan euskarak leku nabarmena duela erakustea; batez ere, adin-talde jakin batzuetan eta Euskal Herriko eskualde zabaletan.

ERNAI: Zorionak gazteak!

HasieraGaur jakin berri dugu Ernaiko 7 kide eta Topatuko Iraitz Salegi kazetaria absolbitu dituztela. Bere garaian esan genuen bezala, onartzen genuen sententzia bakarra absoluzioa zen eta gaur ere horretan berresten gara. Zorionak gazteak!

Sententzia ezagututa ezin aipatu gabe utzi gure ondoan beti egon den Periko Solabarria. Momentu honetan zuk erakutsitako kemena eta duintasunaz gogoratuz, gaurko ospakizuna ere zure omenez doa lagun. Zauden lekuan zaudela, har ezazu muxurik beroena.

BERRIA: Irakurle izango zirenak, lehen albistea idazten

<b>1. Festa.</b> Hainbat herritan Egunkaria Egunak ospatu zituzten. Proiektu berria ezagutaraztek eta dirua biltzeko ekitaldiak izan ziren.Duela 25 urteko udaberrian, 'Euskaldunon Egunkaria' sortzeko dirua biltzeko kanpaina egin zuten. Helburu horrekin, Euskal Herriko auzo eta herrietan 185 batzorde eratu ziren. 3.000 boluntario inguru ibili ziren euskarazko egunkari nazionalaren proiektua ezagutarazten. Egunkaria Egunak ere antolatu ziren.

NAIZ: Harrera jendetsua egin diete Laudion Patxo eta Isidro Murgari

Laudio‘Egin’ egunkariko administrazio kontseiluko kide izateagatik espetxean zortzi urte eman ondoren, Laudiora iritsi dira Murga anaiak, eta harrera beroa jaso dute herritarren aldetik. Ostegunean gelditu ziren aske, baina Galizan preso dagoen Patxoren semea bisitatzen izan dira.

NAIZ: ETB1ek Bidegi kasuaren inguruko albistea zentsuratu duela salatu du Gipuzkoako Aldundiak

Bidegi auziaren inguruko albistea ez eman eta gero, Gipuzkoako Foru Aldundiak ETB1en emandako «zentsura» salatu du. Honen harira, «interes publikoari erantzuten dion» telebista publiko baten beharra azpimarratu dute.

Gipuzkoako Foru Aldundiak ETB 1ek Bidegi auziaren inguruko berria zentsuratu duela salatu du. Aldundiak kasuari buruzko prentsaurrekoa eskaini du gaur 11:30ean. Bertan, jakitera eman dute Arabako Foru Aldundiak jakinarazi duela Bidegik AP-1eko Arabako tartearengatik ordaindutako 10 milioiak egindako lanei ez dagozkiela.

Orriak