BERRIA: Hekimenek begirunea eskatu du

Iban Arantzabal, Alberto Barandiaran eta Iban Arregi, legebiltzarreko agerraldiaren aurretik.Euskarazko hedabide ez-publikoen sektoreak lankidetzarako eskaintza egin dio Jaurlaritzari

Euskarazko hedabideen egoera eskasa dela azaldu du Hekimenek, herri ekimeneko euskarazko hedabideak biltzen dituen elkarteak. Horri aurre egiteko, Eusko Jaurlaritzari eskatu dio «errespetatzeko eta onartzeko» sektoreak orain arte egin duena, sortutako egitura, hedabideek ekoizten dutena, eta hori egiteko modua ere iradoki du: babesa ematea.

BERRIA: Larunbatean aurkeztuko dute 'Alea', Arabako astekari berria

<em>Alea</em> astekariaren zero zenbakiko azala. Larunbatean aurkeztuko dute.Urtarrilaren 16tik aurrera, ostiralero banatuko dute.
Harpidedunek urtean 50 euro ordaindu beharko dute.
32 orrialde izango ditu

GEU Gasteiz elkarteak, BERRIAk eta Goiena-k, Arabako hainbat eragile eta norbanakorekin batera, bat egin dute euskara hutsezko astekari bat sortzeko. Urtarrilaren 16tik aurrera banatuko dute Alea astekaria harpidedunen artean —urtean 50 euro ordaindu beharko dute—. Eta, aldizkariaren 32 orrialdeetan, Arabako albisteak, erreportajeak, elkarrizketak eta aisialdiko tarte erakargarriak aurkituko dituzte irakurleek. BERRIAren harpidedunek gainkosturik gabe jasoko dute aldizkaria. Aldizkari berria ezagutarazteko, aurkezpen jaia egingo dute larunbat honetan Gasteizen.

BERRIA: 'The National' egunkaria sortu dute, Eskoziaren independentzia aldarri duena

Eskoziaren independentziaren alde egiten duen egunkari bat sortu zen atzo: The National. Bost egunetako proba moduan argitaratuko dute. Eta salmentak onak badira, proiektuak aurrera egingo du. «Ebaluazio astearen emaitzekin gustura bagaude, eta ziur naiz hala izango dela, langile gehiago kontratatuko ditugu», iragarri du Richard Walker egunkariko editoreak. Egunkariak 32 orrialde ditu, tabloide formatua du, 50 zentimoan salduko dute, eta lehen egun hauetan 50.000 ale argitaratuko dituzte. «Irakurterraza izango da. Eskoziako gaiez gain, nazioarteko gaiekin lau orrialde aterako ditugu», esan du editoreak.

BERRIA: Ikerketa kazetaritza egingo duen hedabide digital bat sortuko dute urtarril amaierarako

'El Hurón' abiarazteko dirua biltzen ari dira Verkami plataformaren bidez.
'Kale Gorrian' aldizkariak eta Pepe Reik utzi zuten hutsunea bete nahi dute sustatzaileek

Ibilbide luzeko profesional talde bat ikerketa kazetaritzako hedabide digital bat sortzeko bildu da Madrilen. «Gizarte salaketa egin eta sistema ustel honen miseriak argitara ateratzeko. Horretarako, zuen laguntza ekonomikoa behar dugu», diote sustatzaileek Verkami plataforman, proiektuaren aurkezpenean. 12.000 euro jasotzeko helburua jarri dute, El Hurón hedabidearen erregistroak, webaren diseinua, domeinua eta mantentzea ordaintzeko.

BERRIA: Bi urte luze joango dira EAEko irrati lizentzien lehiaketa berria hasi arte

Lehiaketa irregulartasunak hasi zirenetik «berrartzeko» eskatu zuten iaz Euskal Irrati Zerbitzuek eta Antxeta, Araba eta Justuri irratiek. Jaurlaritzak ez du halakorik egingo.Eusko Jaurlaritzak iragarri du kasazio helegitea jarriko duela Espainiako Auzitegi Gorenean

«Erabat korapilatu da gaia». Hala aitortu zuen atzo, Eusko Legebiltzarrean, Eusko Jaurlaritzako Hezkuntza, Hizkuntza Politika eta Kultura Sailburuaren Kabineteko zuzendari Jose Manuel Bujandak. Agerraldia egin zuen EH Bilduk eskatuta, eta iragarri zuen Jaurlaritzak irrati lizentzien aferan kasazio helegitea jarriko duela Espainiako Auzitegi Gorenean. Jaurlaritzak beste lehiaketa bat egin nahi du. Baina EAEko Justizia Auzitegiak berriki epai bat eman du, Jaurlaritza aurreko lehiaketa amaitzera behartzen duena —2012an Patxi Lopezen Jaurlaritzak abiatu zuena—. Hainbat enpresak jarritako helegiteak dira tartean, ia dozena bat. Eta Jaurlaritzako ordezkariak onartu zuen bi urte joan daitezkeela EAEko Justizia Auzitegiak azken helegitearen epaia eman arte. Beste lehiaketa bat izatekotan, beraz, gutxienez bi urte joango dira. «Legealdia galduta dago. Beste lau urte galdu ditugu», esan zuen EH Bilduko legebiltzarkide Iker Casanovak.

BERRIA: Canal+ek euskarazko azpidatziekin estreinatuko ditu filmak abendutik

Canal +eko Alex Martinez, atzo, Jaurlaritzako Uriarte sailburuarekin eta Baztarrika sailburuordearekin.Jaurlaritzarekin elkarlanean, 247 filmetik gora eta 24 telesail euskaratuko dituzte 2016ra bitartean

«Edozein hizkuntzak fikziozko edukiak behar ditu, erreala izatekotan», esan zuen atzo Patxi Baztarrika Eusko Jaurlaritzako Hizkuntza Politikarako sailburuordeak. Gasteizko gobernuak Canal+ katearekin sinaturiko ituna aurkeztu zuen Donostian. Horren bitartez, kateak aurrerantzean estreinatuko dituen film gehienak euskarazko azpidatziekin emango dituzte. Filmak zinema aretoetan eman eta lau hilabetera ematen dituzte Canal+ katean. Aretoetan arrakasta handiena lortu dutenak euskaratuko dituzte. Abenduan hasiko dira azpidatziak zabaltzen. Denera, 2016. urtera arte, 247 filmetik gora euskaratuko dituzte, eta nazioartean

EHBILDU: EH Bilduk EiTBren ereduari buruzko eztabaida sakona nahi du eta ez du Maite Iturberen dimisio eskaera babestuko

Jaurlaritzak EiTB propaganda aparatu gisa erabiltzen duen salaketa berretsi du Unai Urruzunok, "baina konponbidea ez da izenak aldatzetik etorriko". "Izenen inguruko eztabaida antzua da erabat; EiTBren ereduaz eta helburuez hitz egin eta adostu behar dugu".

BERRIA: Euskarazko hedabideen laguntzak aztertzeko eskatu diote Jaurlaritzari

Jende multzoa, BERRIA babesteko argazki batean, egunkariaren hamargarren urtemugaren harira.EH Bilduren mozio baten harira, erdibideko zuzenketa bat hitzartu dute koalizioarekin EAJk eta PSE-EEk.

«Hedabide nagusiekin» mintzatzea, eta deialdiak urte hasieran plazaratzea; horiek eskeak

«Hain zaila al da ulertzea BERRIA dela munduan euskaraz idazten den egunkari bakarra?». Xabier Isasi EH Bilduko legebiltzarkideak galdera horrekin sustatu zuen, atzo, Eusko Legebiltzarrean, euskarazko hedabideentzako diru laguntza egokiago batzuen aldeko aldarria. Eusko Jaurlaritzak ebatzi du, besteak beste, 210.000 euro gutxiago ematea BERRIAri, eta, erabaki hori auzitan jarriz, mozio bat —diru laguntzen banaketarako irizpideak sektoreko eragileekin negoziatu eta adosteko eskatuz— aurkeztu zuen koalizio abertzaleak. Eta, hein batean, zioenarekin bat zetozela onartu zuten EAJk eta PSE-EEk: ekinbide zehatz batekin. Erdibideko zuzenketa bat hitzartu, eta haren aldeko botoa eman zuten hiru taldeek. Hor eskatu diote Eusko Jaurlaritzari «euskarazko hedabide nagusiekin» batera aztertzeko behar dituzten laguntzak.

BERRIAlagunak lortzeko eta herriko merkataritza sustatzeko kanpaina abiarazi dute Ordizian

Herriko komertzioetan euskararen erabilera bultzatzeko eta kazetari sostengua emateko bat egin dute 87 merkatarik. 1.000 euroko txeke bat zozkatuko dute erosleen artean hilaren 29an.

ezka ekonomikoaren itzala bistakoa da oraindik euskal gizartean. Bai saltokiek eta bai hedabideek gertutik igartzen diete ondorioei. Sasoi zailak dira; are nekezagoak euskara ardatz daukatenentzat. Egoera latz horri buelta emateko herriz herriko merkatariek eta euskarazko kazeta nazionalak beste bultzada bat behar dutela iritzirik, urrats sendoa egin dute Ordizian, Gipuzkoan: gaurtik martxan dago herriko 87 merkatarik BERRIAren eskutik atondu duten kanpaina. Asmo bikoitza du egitasmoak: alde batetik, herriko merkataritza sustatzea; bestetik, berriz, BERRIAlagunen komunitatea handitzea.

Orriak