Euskalerria irratiak Erreniegako antena erabiltzeari utzi dion arren, Iruñerria osoan entzun daiteke oraindik

«Erreniegan lizentziarik gabe emankizunak eskaini dituzten irratiek Noaingo aireportuko segurtasuna arriskuan jarri dute», Alberto Catalan Nafarroako Gobernuko eledun eta Harreman Instituzionaletarako kontseilariaren esanetan. Nafarroako Gobernuarentzat garrantzitsuena segurtasuna dela jakinarazi zuen atzo Catalanek, Nafarroako Parlamentuan eginiko agerraldian. «Hegazkin istripu hipotetiko bat ekiditea izan da Nafarroako Gobernuaren xedea», adierazi zuen. Hala ere, interferentzien jatorria zein den ezin daitekeela zehaztu aitortu zuen. «Akaso, interferentzien sortzaileak Foruzaingoaren frekuentzia indargabetzaileak izan daitezke», iradoki zuen.

25.000 atxikimendu eta 30 elkarte. Horiek dira, zenbakitan, interneteko .eus domeinua lortzeko xedez sortu zen PuntuEus Elkarteak gaur ezagutarazi dituen zifrak: 25.000 pertsonek eman dute atxikimendua, eta hasiera batean 11 elkartek sustatzen zuten PuntuEus Elkartea, gaur egun 30 elkartek babesten dute.

Espainiako Errioxa, Burgos, Kantabria, Zaragoza eta Soria ageri dira mapa berrian; Frantziako Landak, ez

ETBko ikusleak urteotan ohituta zeuden eguraldi mapan Euskal Herriko zazpi lurraldeak batuta ikusten. EITBko zuzendaritza berriak, ordea, mapa aldatzea erabaki du. Atzo hiru kateetako eguraldi mapan EAE, Nafarroa eta Ipar Euskal Herriaren arteko muga administratiboak marrekin banatuta azaldu ziren, baina EAEko eta Ipar Euskal Herri barneko probintzietako mugarik ez. Nafarroatik ipar-ekialdeko zati bat eta Erriberako hegoaldea falta ziren mapan, eta Zuberoako zati handi bat ere ez zen ageri.

Santurtziko euskal presoen argazkiak ez dituzte kendu, komunikabide batzuek horrela zabaldu arren

Ertzaintzak herriko euskal presoen argazkiak kendu eta lau egunera haien senide eta lagunek berriz ezarri zituzten Errenterian. Baina konturatu bezain laster ertzainak berriz agertu ziren eta berriro kendu. Amnistiaren Aldeko Mugimenduak salatu du jarrera mespretxagarria erakutsi zutela, kartela kendu eta gero aurpegiak banan-banan ebaki baitzituzten.

Ikuskizun bizia. EITBren historiako unerik entretenigarriena bizi dugula egunotan, ezin da ukatu. Grazia, morboa, haserrea... eragiten digu egoerak, indiferentzia ez beste edozer. Hurrengo egunetan lana edo estatus mediatikoa galtzeko arriskuan direnekin eta irabazteko dutenekin, kiniela egin liteke. Berdin, adibidez, oraingo eta etorkizuneko tertuliakideekin. Nork asmatu, ordea, zazpi urtez audientzia marka izugarriak erakutsi dituen Xabier Lapitz esaleari gertatu zaiona ikusita. Gutxiago Aurkene Iturriozi EIko albistegietako zuzendaritza eskaini diotela jakin eta gero.

Segi gazte erakundearen kartelak ipintzeagatik atxilotu dituzte, Herrizaingo Sailaren arabera

Amara auzoko Easo plazan atzo arratsaldean ospatzen ari ziren Euskal Jaian bi gazte atxilotu zituen Ertzaintzak,«terrorismoa gorestegatik». Segi gazte erakundearen kartelak ipintzen ari zirela dio Herrizaingo Sailak, Efe berri agentziak zabaldu duenez.

"Kazetaritzaren etorkizuna: erronka berriak" solasaldia izango da UEUren Udako Ikastaroen baitan

Komunikazioaren munduan, digitalizazioa dela medio, aldaketa sakonak gertatzen ari dira. Oinarri sendoak omen zituzten hainbat inperio mediatiko kolokan daude. Prentsa idatzia gainbeheran dago, eta prentsa elektronikoa, berriz, gorabidean. Zer gertatuko da datozen urteotan? Nola aldatuko da komunikazioa? Galdera horien erantzuna aurkitu guran egingo da "*Kazetaritzaren etorkizuna: erroka berriak*" solasaldia. UEUren *Udako Ikastaroen barruan* egingo da mahaingurua, ekainaren 30ean. UEUren Ikastetxe Nagusian izango da, Eibarko Markeskoa jauregian.

Tas-Tas uneoro garatzen ari den irrati libre eta komunitarioa dugu. Gero eta norbanako eta eragile gehiago Tas-Tasen entzun eta parte hartzeko aukera egiten dutela uste dugu,irrati espektroan freskotasuna eta kolore aniztasunaren ekarpena egiten dugulako, irrati ofizialen pentsamendu bakarra eta zaharkituaren aurrean, boterearekiko gero eta menpekotasun gehiago daukaten irratiek alegia.

Gizarte ikurrak zabaltzerakoan hedabideek funtsezko papera betetzen dutela uste du soziologoak

Nola eragiten dute hedabideek talde nortasunaren eraikuntzan? Galdera horri erantzuna eman nahian abiatu zuen atzo Josu Amezaga soziologian doktoreak EHUko udako ikastaroen barruan eman zuen hitzaldia.

Soziolinguistika Klusterrak antolatuta, komunikazio gizartearen, hedabideen, nortasun eraikuntzaren eta hizkuntzek testuinguru horretan jokatzen duten rolaren inguruan aritu ziren hainbat aditu.

Gaur sinatu du Patxi Lopez Jaurlaritzako lehendakariak Alberto Surioren izendapenaren dekretua. EITBko buruak jakinarazi du "albistegiek eta denborapasek leku berezia" izango dutela, eta berak euskara ikasteko konpromisoa hartu du.